LEGAZPI CITY- Aminado an Commission on Elections Albay na diit pa sana an numero kan mga kandidato na nagsusumiter kan saindang Statement of Contributions and Expenditures.
Marurumduman na huring aldaw na kan pagsusumiter kan nasabing dokumento sa aga, Hunyo 11.
Segun ki Albay Provincial Election Supervisor Atty. Maria Aurea Bo-Bunao sa intrevista kan Bombo Radyo Legazpi na pinaglalaoman na komon na sa huring aldaw kan filing saka pa sana nagruruso an mga nagkandidato sa nakalihis na pirilian.
Katakod kaini, inenganyar kan opisyal an mga nanggana asin nadaog na kandidato na humabol na sa pagsusumiter kan saindang Statement of Contributions and Expenditures huli ta dae makaka asumir sa opisina an mga nailehir mantang an mga nadaog an posibleng masunadan nin reklamo.
Paliwanag kan opisyal na posibleng magka problema an mga ini enkasong igwang mga sala o kulang sa saindang dokumento.
Napag-araman na bukas an opisina kan Commission on Election hasta alas-5 nin hapon ngani na akseptaron SOCE kan mga kandidato.
