Nagpirma nin kasunduan an Commission on Elections para sa International Certification Entity na matutok sa programa asin mga lakdang kan komisyon ngani na magpreparar sa 2025 midterm elections.
An pagkakaigwa nin international certification an susog sa automation law asin pagpapakusog kan kredibilidad kan pirilian.
Inako man ni Comelec Chairman George Erwin Garcia na naghahabol man liwat sinda sa schedule kan mga kinakaipuhan na mock elections.
Obheto kan trial elections na mahiling kun sain na parte kan preparasyon kinakaipuhan nin adjustments.
Nagkapira sa mga nakatalaan na mock elections an pinaglalaoman na igwang presensya kan local asin foreign observers.
