Pinagbigyan kan Commission on Elections an kahadagan kan Department of Labor and Employment na isabay sa exemption an mga programa kaini sa spending ban katakod kan May 2025 election.
Inaprubaran ni Comelec Chairman George Erwin Garcia an rekomendasyon kan law department kan ahensya kasunod kan kahagadan kan DOLE.
Kaibanan sa mga programang exempted sa spending ban an Special Program for Employment of Students, Government lnternship Program, JobStart Philippines Program siring man an Adjustment Measures Program.
Kasabay pa digdi an Workers Organization Development Program, DOLE Integrated Livelihood and Emergency Program, Financial Assistance Program to Distressed Migratory Sugarcane Workers, Child Labor Prevention and Elimination Program asin EnTSUPERneur Program.
Sa irarom kan Comelec Resolution No. 11060, kinakaipuhan nin certificate of exemption ngani na maimplementar an mga aktibidad asin programa sa social welfare projects mantang naga iral an spending ban na mapuon sa Marso 28 hasta Mayo 11, 2025.
