Comelec, dagos-dagos an preparasyon sa barangay asin SK election

LEGAZPI CITY — Dagos-dagos man giraray an preparasyon kan Commission on Elections Regional Office 5 para sa Sangguniang Kabataan asin Barangay elections sa ibong kan pag-uyon kan mga kongresista sa ‘all member caucus’ na i-oktaba ini asin ipadagos na sana sa Mayo 2018.
Sa intrevista kan Bombo Rdayo Legazpi ki Comelec 5 Regional Dir. Atty. Ma. Juana Valeza, nanindogan ini na susundon man giraray an mga nakasurat sa calendar of activities kan komisyon hasta warang ipigpapaluwas na bagong resolusyon an Kongreso.
Wara man suboot na magigin direktang epekto en kaso madagos man o dae an pirilian huli ta kinakaipuhan sanang itago an mga printed files mientras na pwedesir na magkaigwa giraray nin rehistrasyon para sa supplemental list kan voters.
Sa ibong na lado, aminado man ini na pwedesir na mag-overlap an 2018 elections sa preparasyon para sa pirilian man sa 2019.
Nasa proseso kan pag-imprenta kan listahan kan mga botante an komisyon kun saen nakatalaang ipaluwas an kompletong listahan sa huring semana kan Agosto.