Aakseptaron kan Commission on Elections an kandidatura ni dismissed Bamban Mayor Alice Guo alagad ipinunto ni Comelec chairman George Erwin Garcia na igwang tulong basehan an poll body ngani na kanselaron an kandidatura ni Guo asin kan siisay man na igwang kaparehong sitwasyon.
Kaibanan sa mga ini an pagdedeklarar sa sarong bilang nuisance candidate, an petisyon na obhetong kanselaron an kandidatura huli sa edad, nasyunalidad asin registration bilang botante siring man an desisyon hali sa Ombudsman na nagdidiskwalipika sa sarong kandidato na magdalagan sa posisyon sa gobyerno habambuhay.
Paliwanag ni Garcia na sa irarom kan Republic Act 6770, an desisyon kan Ombudsman an immediately executory.
Ginibo kan opisyal an pahayag kasunod kan sinabi kan legal counsel ni Guo na si Atty. Stephen David na pinaglalaoman na pormal na magsusunad nin kandidatura si Guo sa huring aldaw kan filing kan certificate of candicacy sa Oktubre 8 ngani na liwat na magdalagan bilang alkalde kan Bamban, Tarlac sa ibong kan patung-patong na kaso kontra saiya.
