LEGAZPI CITY- Sinierto kan Commission on Elections Bicol na on-tract an saindang mga pigigibong preparasyon para sa nagdadangadang na 2025 National and Local Elections.
Ini an katakod kan padagos na paghahatod kan mga voters information sheets sa mga botante.
Segun ki Commission on Elections Bicol Director Atty. Jane Valeza sa intrevista kan Bombo Radyo Legazpi na nagpuon na man an pagbabarewas kan mga gagamiton na ballot boxes.
Sinabi kan opisyal na maski pa Semana Santa, warang patod an pagtatrabaho kan saindang ahensya ngani na maihanda an gabos na kinakaipuhan para sa paparaning pirilian.
Kaibanan pa sa mga pinaghahandaan ngunyan iyo an delivery kan mga automated counting machines.
