LEGAZPI CITY- Nilinaw ngunyan kan Commission on Elections na wara sindang naresibe na anuman na kasuguan dapit sa suspensyon nin proklamasyon kan mga nangganang kandidato sa rehiyon.
Segun ki Comelec Bicol Director Atty. Jane Valeza sa intrevista kan Bombo Radyo Legazpi na solamenteng naresibe niya an suspensyon hali sa first division asin second division para sa tulong kandidato alagad anas ini an dae man nanggana.
Huli digdi, nilinaw kan opisyal na dae man ini makaka apektar sa pag proklama kan mga gana na kandidato sa manlain lain na posisyon sa rehiyong Bicol.
Segun sa opisyal na wara man na dapat ikahadit an publiko dapit sa nasabing lakdang.
Mientras tras tanto, sinabi ni Valeza na pinaglalaoman na antes matapos an aldaw nin Martes, pinaglalaoman na maipo-proklamar na an gabos na mga kandidato na nailehir sa manlain lain na posisyon sa rehiyon.
