LEGAZPI CITY — Bukas sa anuman na isasagibong lifestyle check an pamayo kan Commission on Elections Regional Office 5 na ipigbubusol ni Sen. Grace Poe.
Segun ki Comelec 5 Regional Dir. Atty. Ma. Juana Valeza, dapat man talaga suboot an gibuhon ini sa mga nagtatrabaho sa gobierno kun saen angay sana an simpleng pamumuhay asin bako magarbong marhay na bako na tama sa sweldong nareresibe.
Inako man kan opisyal na natanyog an institusyon sa pagluwas kan iskandalong kinakahampang ni Comelec Chair Andres Bautista kun saen ipigbuyagyag ni Patricia, estranged wife na igwang maabot sa P1 billion na ill-gotten wealth an nasabing opisyal.
Sa ibong na lado, padagos man an pagmonitor ninda sa imbestigasyon kan isyu mientras na naglalaom na mai-eksplikar asin makaklaripikar ni Bautista an mga alegasyon kan esposa kaini urog na sa dealings na suboot related sa nakaaging pirilian.

RELATED ARTICLESMORE FROM AUTHOR