LEGAZPI CITY- Aminado an Commission on Elections Bicol na tunay an nagin obserbasyon asin pahayag kan sarong election watchdog na an rehiyon an igwang pinakadakulang bigayan sa talamak na vote buying sa nakalihis na pirilian.
Ini makalihis ihayag kan grupong Kontra Daya na nagluwas sa saindang monitoring an nangyayaring pagbakal nin boto sa rehiyon.
Segun ki Comelec Bicol Director Atty. Jane Valeza sa intrevista kan Bombo Radyo Legazpi na sa laog nin 20 taon niya sa komisyon, ini an enot na bes na nakahiling siya nin hayagan na vote buying.
Paliwanag kan opisyal na makamundo an nasabing kalakaran asin mawot na dae na ini ipagpadagos kan mga bagong matukaw sa posisyon.
Katakod kaini, nangapudan man an opisyal na masabutan an saindang mandato na naka-focus sa mismong eleksyon.
An law enforcement asin mga bayolasyon an nakalaan suboot sa mga law enforcement agencies.
Nangapudan man si Valeza sa publiko na makipagtabangan sainda ngani na masunadan nin kaso an mga pigtataram na imbwelto sa pagbakal asin pagpapabakal nin boto.
