LEGAZPI CITY- Nangapudan an Commission on Elections na dae muna pag-husgahan an ahensya na warang pigigibong aksyon sa nagkapirang mga isyu.
Ini an katakod kan reklamo kan netizens sa suboot paglakop kan mga darakulang tarpaulin kan nagkapirang mga personalidad sa provincia kan Albay.
Sinabi ni Commission on Elections Albay Provincial Election Supervisor Atty. Ma. Aurea Bo-Bunao sa intrevista kan Bombo Radyo Legazpi na bako pa kandidato an nasabing mga personalidad kaya wara pa sindang magigibo.
Bako pa suboot sakop kan election law an darakulang mga tarpaulin kun dae pa nagpupuon an pagsusunad nin certificate of candidacy.
Sinabi kan opisyal na nagi-implementar sana sinda basado kun ano an pigsasabi kan ley.
Katakod kaini, aminado man an opisyal na mainit an politika sa Albay sa presente.
Mientras tanto, sa pinakahuring datos kan komisyon nagsakat na sa 20, 193 an kabilugan na mga nagparehistri sa provincia.
