LEGAZPI CITY—Liwat na nagpagiromdom an Commission on Elections (COMELEC) Albay sa mga botante asin kandidato mapadapit sa mga regulasyon kan ahensya ngunyan na papaabuton na eleksyon.
Segun sa pahayag ni Comelec Albay Provincial Election Supervisor Atty. Ma. Aurea Bo-Bunao, na kaipuhan nang ibitaran an vote buying para dae sinda masunadan nin kaso.
Pig-eksplikar man kan opisyal na ano man na resources, pasilidad, transportasyon, o kwarta na gikan sa gobyerno an dae pwedesir na gibuhon o gamiton na pangangampanya.
Pig-agyat man kan saindang ahensya an publiko na kun parte sinda kan pigtataram na ‘pagbabago’ kaipuhan na sa tawo mismo ini hale.
En kaso man na may mahiling na naggigibo nin vote buying tulos dapat ining i-report sa mga otoridad na may kumpletong ebidensya, alagad, tinawan-doon man kaini na sa pag-report dapat warang pigkikilingan na kandidato kundi bilang sarong concern citizen na may kamawotan na mabago an sitwasyon sa nacion.
Mientrastanto, nagmamawot man an opisyal na magin mapagmatiyag asin magkasararo ngani na magin maayos an eleksyon sa paagi kan malinig na pangangampanya.
 Albay once again reminded voters and candidates regarding the agency's regulations during the upcoming election.){kind=link}