LEGAZPI CITY – Pigtuturong rason kan mga opisyales kan Barangay Masarawag, Guinobatan, Albay an mga coconut farm land sa nangyaring pagbaha sa saindang lugar kan nakaaging aldaw.
Segun ki Kagawad Don Carullo sa intrevista kan Bombo Radyo Legazpi na bako hale sa Mayon o sa mga quarry areas an mga dugi asin baybay na pigwalat kan nasabing pagbaha kundi hale sa nasabing farm land huli sa dakulang ektarya kan nasabing farmland.
Suhestyon niya man na magkaigwa nin restoration kan saindang depensa sa paagi kan pagtanom nin mga kahoy na maserbi man na mala-flood control pagtalubo kan mga ini.
Kaipuhan man suboot an mga slope protection asin mga dike nganing maprebentaran an paglaog kan baha sa mga residensya.
Pigtaram pa kan opisyal na kulang an saindang barangay sa floodwaste nganing magserbing luwasan kan mga tubig na nagbulos sa mga kakalsadahan asin natatambak an mga debree arug na sana kan mga gapo asin mga kahoy.
Pagdoon pa ni Carullo na dapat pag-adalan pa an mga lakdang na isasagibo sa saindang lugar nganing maibitaran an mga siring kaining pagbabaha.
