LEGAZPI CITY—Naka-heightened alert na an Coast Guard Catanduanes bilang preparasyon sa mga posibleng epekto kan bagyong Ada sa provincia.
Segun ki Coast Guard Station Catanduanes Deputy Commander, Lieutenant Junior Grade Reynaldo Aringo Jr., sa intrevista kan Bombo Radyo Legazpi, naka-activate na an saindang deployable response team sa saidang opisina magin sa iba pang substation asin mobile team sa Catanduanes.
Dugang niya na nagpaluwas na man sinda nin sea travel advisory kun sain ipigbabawal na an paglalawod sa gabos na klase nin lunadang pandagat.
Padagos man an kooridinasyon kan saindang opisina sa kada munisipalidad kan provincia nganing ipaaram an no sailing policy ngunyan na may raot nin panahon.
Mienstrastanto, abiso ni Aringo sa namamanwaan kan Catanduanes na dapat siertohon na enoton an kaligtasan kan sadiri asin na magpirit na maglawod nganing maibitaran an anumang posibleng peligro sa kadagatan urog na may pigbabantayang bagyo sa laog kan nacion.
