LEGAZPI CITY—Nagtitinir na naka-heightened alert ngunyan an Coast Guard District Bicol katakod kan posibleng epekto kan Bagyong Luis.
Segun ki Coast Guard District Bicol Spokesperson Lieutenant Junior Grade Alyzza Novie Bermal, sa intrevista kan Bombo Radyo Legazpi, kasunod kaini nagpaluwas sinda nin sea travel advisory o suspensyon kan biyahe nin barko.
Huli kaini nakapagrehistro man an ahensya nin nasa labi 300 na na-stranded na pasahero sa provincia kan Catanduanes asin Albay partikularmente sa Virac Port asin Tabaco Port.
Padagos man an saindang monitoring sa mga stranded na stranded asin pigsierto na dae pigpabayaan an saindang mga concerns.
Mientrastanto, abiso man ni Bermal sa mga parasisira na mahigot na sunudon an mga sea travel advisory na pigpapaluwas kan mga otoridad para sa saindang kaligtasan
