LEGAZPI CITY — Posible pa suboot na mailatag kan Department of Health (DOH) Bicol an apela katakod kan pagbasura kan Commission on Audit (COA) sa petition for review sa notice of disallowance.
Enot kaini, ipigpapabalik kan COA sa nasabing ahensya an P5.4 million incentives na itinao sa mga opisyales asin empleyado kan taong 2013 kasumpay kan itinaog Collective Negotiation Agreement na hale sa savings kan ahensya asin sa mga ipigluwas na pondo para sa training and seminar purposes na kontra sa Department of Budget and Management Budget Circular.
Sa intrevista kan Bombo Radyo Legazpi ki Budget and Management Bicol Director Renato de Vera, pwede suboot na isakat an concern sa Court of Appeals asin Korte Suprema para sa apela.
Kun dae man maotob, kaipuhan na ibalik kan mga empleyado an naresibeng incentives o posible man na makasuhan an opisyal na nagrelease kan pondo.
Pagkaklaripikar pa ni De Vera na personal liability na an mangyayari urog na bako naman ini sakop kan ahensya.
An nasabing savings an ipigtatao kun nakapag-generate nin savings an sarong ahensya.
