LEGAZPI CITY—Nagkundusir an mga opisyales kan Barangay Padang,Legazpi City nin clean up drive sa sarong sitio sa lugar makalihis manutaran na may residente an nagkaigwa nin dengue.
Segun ki Barangay Padang Legazpi City Kapitan Harold Bembenuto, sa intervista kan Bombo Radyo Legazpi, nagsagibo na sinda nin fogging operations asin clean up drive kada semana.
Nagkundusir man sinda nin community orientation kaiba an City Sanitary Department mapadapit sa good practice pag-abot sa anti-dengue campaign.
Segun saiya na importante an nasabing lakdang huli sa oras na dae makontrol an paglakop kan helang an magkakaigwa ini nin domino effects sa kaharongan partikularmente na sa kajovenesan asin vulnerable adults.
Afuera digdi, obheto man kaini na imantenir an kalinigan sa saindang lugar.
Dugang kan opisyal na naka-discharge na sa ospital an nasabing residente na tinamaan nin dengue asin natawan na man nin medical assistance.
