LEGAZPI CITY—Niyugo nin 4.4 magnitude na linog na may rarom na 012 kilometro an parte kan Claveria, Masbate kasoodmang Lunes, Hulyo 6, pasado alas-dos nin hapon, segun sa Philippine Institute of Volcanology and Seismology.
Segun ki PHIVOLCS Masbate Officer Ronald Dela Cruz, sa intrevista kan Bombo Radyo Legazpi, nairehistro an Intensity III sa Claveria, Masbate siring man na Intensity II sa Bulan asin Donsol, Sorsogon.
Namatean man an linog sa ibang parte kan Legazpi City, Iriga City magin sa Donsol, Sorsogon
Tectonic an pinuonan kan nasabing linog asin wara man na piglalaomang anumang aftershocks.
Paliwanag kan opisyal na nag-generate kan linog an Sibuyan Sea Fault na harani sa may Burias Island, Masbate.
Nagpagiromdom man si Dela Cruz na magin preparado anumang oras, siring man na dapat na mapakarhay an mga bagay sa laog kan harong na pwedesir mahulog o matumba durante kan linog nganing maibitaran an disgrasya.
