LEGAZPI CITY – Ikinundusir an sarong makulay na Christmas Tree, Parol asin Belen Making Contest gamit an mga native o indigenous materials sa Barangay Cogon, Irosin, Sorsogon.
Segun ki Punong Barangay Ricmar Paluyo sa intrevista kan Bombo Radyo Legazpi na nagbale sa saindang contest an pitong purok kan saindang lugar na nagpahiling nin talento kun sain pinakinabangan an mga niyog na pinatumba kan mga nakaaging raot nin panahon.
Katuyuhan kan saindang konseho na magkaigwa nin pagkakasararo asin pagtatarabangan kan mga residentes huli ta nagtutubod sindang sa ibong kan mga kalamidad na namatean an magseserbing liwanag asin paglaom an mga pailaw na pigbugtak ninda sa mga kakalsadahan.
Pigbugtak man an mga Christmas Tree, Parol asin Belen kan pitong purok sa mga kakalsadahan pasiring sa saindang simbahan na personal man nindang pigbugtakan nin disenyo.
Labing nauugma man an opisyal na dinagsa man nin mga tawo na gikan sa saindang barangay asin kataraid na lugar an saindang opening kan nakaaging aldaw nganing maki-ugma sa saindang pailaw.
Pagsyerto niya man na may pig-alokar na sindang insentibo para sa saindang kahimanwa bilang pasasalamat sa ipigtaong sakripisyo nganing makisumaro sa ipigkondusir nindang aktibidad asin pailaw.
Nagpapasalamat man siya sa saindang mga residentes huli ta dae an mga ini naghiling kan saindang sadit suboot na cash prize kundi ibinuhos pa ninda an saindang mga oras nganing mabilog an ipigpresentar nindang obra.
Pig-enganyar ni Paluyo an mga residentes kan banwaan nin Irosin na magbisita asin aprobitsaran an mga obra kan mga residentes kan Barangay Cogon na mga Christmas Tree, Parol asin Belen.
