LEGAZPI CITY – Nakatalaan magsagibo nin Christmas Job Fair an Public Employment Service Office (PESO) kan banwaan kan Daraga, Albay.
Piglalaoman ni Daraga PESO Manager RJ Lawenko sa intrevista kan Bombo Radyo Legazpi na posibleng balehan an aktibidad nin maabot na 500 na mga applicants urog na kun pagbabasehan an mga nakalihis na mga Job Fair kan saindang ofisina.
Sa presente suboot an 8 pa sanang mga agencies an nakatalaang magbale sa saindang jobfair alagad mawot ninda na umabot ini sa 30 antes magsapit an ika-apat na aldaw kan Disyembre.
May mga inimbitaran man sindang mga ahensya kan gobierno na makibale sa saindang jobfair nganing maparani sa mga applicants an mga kakaipuhanon ninda sa saindang pagtrabaho arug kan Social Security System, PhilHealth, Pag-IBIG, Philippine Statistics Authority asin iba pa.
Pigtaram pa kan opisyal na ipapaluwas ninda an pinal na listahan kan mga agencies asin korporasyon na ma-ofresir nin mga trabaho pagsapit kan November 29.
Inimbitaran man ninda an Integrated Bar of the Philippines para sa mga mawot na nangangaipuhan nin legal consultation nin libre.
Pagirumdom ni Lawenko sa mga job seekers na makikisumaro sa saindang jobfair na dae paglingawan na magdara nin resume asin birthcertificate.
 of Daraga, Albay is scheduled to hold a Christmas Job Fair.){kind=link}