Nangapodan an Commission on Human Rights (CHR) nin tulos na aksyon makalihis lumutang an bagong testigo sa kaso kan 34 nawawarang sabungeros na suboot ginadan asin inilubing sa Taal Lake.
Tulos na nagpasiring an mga imbestigador hale CHR Region IV-A sa lugar nganing magsagibo nin monitoring asin makibale sa operasyon kabale an ibang ahensya kan gobyerno.
Nagsagibo na nin motu proprio investigation an CHR kan 2022 alagad warang naglulutang na testigo o ebidensyang nagtuturo sa eksaktong lokasyon kan mga biktima.
Segun kay CHR Commissioner Beda Epres, positibong lakdang an paglutang kan suspek na handang maging state witness asin ibuyagyag an naaaraman niya mapadapit sa krimen.
Nagsagibo man nin matuninong na paghir an mga kaanak kan biktima sa CHR Central Office asin nakipagdayalogo sa mga opisyal nganing aramon an mga masunod na lakdang.
Nag-apela man an CHR sa gabos na katakod na ahensya kan gobyerno na magsanib-puwersa nganing resolbahon an kaso asin maguno na an hustisyang haloy nang pigmamawot kan mga pamilya.
 has called for immediate action after a new witness emerged in the case of 34 missing sabungeros who were allegedly killed and buried in Taal Lake.){kind=link}