LEGAZPI CITY — Posible suboot na nahiling na kan Kongreso an trabaho kan Commission on Human Rights (CHR) kun kaya ibinalik an saindang pondo para sa masunod na taon hale sa enot na inaprubarang P1,000 budget.
Segun ki CHR-Bicol Regional Director Atty. Arlene Alangco, nagpapasalamat suboot sinda na naibalik an budget ngane na magibo an saindang importanteng trabaho.
An pagtapyas man suboot sa pondo an bako mismo sa opisina kundi an gagamiton para sa mga seserbihang tawo.
Nilinaw man ni Alangco na bako man sana extrajudicial killings o an mga krimen na piggigibo kan state agents an saindang pig-iimbestigaran kundi may mga iba pa alagad dae naibabareta.
Natatawan kaya suboot nin highlight ngonian an talamak na nangyayaring garadanan dara naman kan kampanya kn gobyerno laban sa iligal na droga.
Apwera sa EJK, pig-iimbestigaran man ninda an pag-ambush sa mga militar alagad dae naibabareta kun kaya garong nadidisregard an trabaho kan saindang opisina.
