LEGAZPI CITY- Ilulunsar kan Commission on Human Rights (CHR) Bicol an saindang adbokasiyang ” Bantay Karapatan sa Halalan ” para sa 2025 National asin Local Elections.
Segun kay CHR Bicol Director Atty. Arlene Alangco sa intrevista kan Bombo Radyo Legazpi na isasagibo ninda ini nganing magtaong inpormasyon sa mga botante kan saindang karapatan.
Nakikipag-koordinar na man suboot sinda sa Commision on Election nganing maaraman kun anong probinsya sa rehiyon an pig-aapod nindang “hotspot” nganing matawan kan saindang prayoridad na monitoring sa eleksyon.
Segun sa saindang datos na an probinsya kan Sorsogon asin Camarines Sur an high risk area kan nakaaging eleksyon.
Pigtaram man kaini na bako na sana mga kandidato an nag-iiriwal pag borotohan nin huli sa nagpapasuruway naman suboot an mga supporter asin botante.
Nagmamawot si Alangco na magin matrayumpo asin matoninong an maabot na eleksyon nin huli ta dakol suboot an posisyon na lalabanan kan mga kandidato.
Pigtawan duon man kaini na magin malinig an pirilian asin maelehir an mga kandidataong karapat dapat asin gusto kan taumbayan.
