LEGAZPI CITY-Namataan an sarong barko kan China Coast Guard (CCG) harani sa Manila Bay ngonian na aldaw nin Biyernes, Agosto 15.
Basado ini sa panibagong monitoring kan US maritime expert na si Ray Powell.
Naobserbaran man suboot kan CCG na igwang bow number 3306 na naka-posisyon sa luwas kan 24 nautical mile contiguous zone kan Pilipinas, sa luwasd kan territorial waters kan nacion.
Mahihiling suboot na naghahalat suboot an CCG vessel sa luwas kan Manila Bay asin pigpapaluwas na determinado sindang maharang asin eskortan an anumang barko kan Pilipinas na maglalayag pasiring sa direksiyon kan Scarborough Shoal.
Mientrastanto, naobserbaran man ni Powell an Chinese research ship na Xiang Yang Hong 10 na naka-reposition sa may bukana kan Scarborough Shoal, na posibleng obheto na mag-deploy kan mga tawohan asin equipment sa laog mismo kan area.
Namataan man suboot an barko sa Fiery Cross Reef kan Agosto 12, sarong aldaw bago an collision incident kan 2 barko kan China asin uminabot sa Scarborough Shoal ngonian na aga, sa rayong sarong kilometro hale sa timog kan lugar, kung sain pigaaram pa kan mga otoridad kung ano an motibo kan mga nasabing barko sa lugar.
Basado man sa monitoring kan US maritime expert, namataan man an 3 pang barko kan CCG asin walong Chinese militia vessels na tulos man na naghale sa lugar, alagad igwang 2 Chinese militia vessel an nagpasiring sa Spratly Islands.
Sinabi ni Powell na nagpapahiling ini nin intelligence para sa China kung sain pigpaplanuhan man kan Pilipinas na magsagibo nin Kadiwa operation sa maabot na lunes asin magsasagibo nin augmentation sa saindang puwersa bilang paghahanda.
