Binuntutan asin nagkondusir nin peligrosong flight maneuvers an helicopter kan People’s Liberation Army Navy na may tail number 68 sa aircraft kan Bureau of Fisheries and Aquatic Resources mantang nagkokundusir nin Maritime Domain Awareness Flight sa may territorial airspace kan Bajo de Masinloc.
Segun ki Philippine Coast Guard spokesperson for the West Philippine Sea Commodore Jay Tarriela na nalaag sa seryosong peligro an seguridad kan mga piloto asin pasahero huli sa reckless action kan Chinese helicopter.
Ini makalihis magrani an Chinese Navy helicopter nin nasa tulong metro an distansya sa port side asin sa taas kan BFAR aircraft na nagkawsa nin dakulang huma asin pigpasipara an mga international aviation regulations kan International Civil Aviation Organization (ICAO).
Sa ibong kaini, sinierto man kan Philippine Coast Guard asin Bureau of Fisheries and Aquatic Resources na padagos an paglaban ninda sa sovereign rights asin maritime jurisdiction sa West Philippine Sea sa ibong kan agresibong aksyon kan China.
