Peligrosong nagdarani an Chinese military helicopter sa eroplano kan Bureau of Fisheries and Aquatic Resources na nagpapatrolya sa West Philippine Sea.
Binuntutan pa kan Harbin Z-9 helicopter, na pigpapayalog kan naval asin air forces kan China an BFAR aircraft sa peligrosong distansya.
Nagkapirang bes man na nag-radio warning an piloto kan BFAR plane mantang nasa Bajo de Masinloc alagad pinasipara sana ini kan Chinese air crew.
Sa ibong kan nagkapirang bes na radio warning na nagtataram na an Bajo de Masinloc an parte kan Exclusive Economic Zone kan Pilipinas, mas nagrani pa an aircraft kan China sa six meters na distansya sa BFAR plane.
Nagpapahiling sana an insidente na kontrolado kan Beijing an parehong navigational waters asin airspace sa nasabing teritoryo.
