Chinese embassy, binanatan liwat si Tarriela, inakusarang nag-uutik

Pig-akusaran liwat kan Chinese Embassy sa Manila si Philippine Coast Guard (PCG) spokesperson for the West Philippine Sea Commodore Jay Tarriela na nag-uutik.

Sa sarong statement, ginibo ni Chinese Embassy Deputy Spokesperson Guo Wei an pahayag laban kay Comm. Tarriela kasunod kan saiyang claim na an mga barko kan PCG dai nuarin man nakarani sa arin man na mga reef o shoal na pigmamanehar kan China, na bako sana suboot inaccurate kundi harayo sa realidad.

Enot na pigsambit kan Chinese embassy official an mga insidente na suboot nangyari kan nakaaging taon kun saen an mga aircraft kan PCG suboot nagrani sa nagkapirang pig-aangkin na katubigan kabali an Spratly Islands na pig-aapod nindang “Nansha Qundao” nin labing 200 na beses kabali an mga overflight sa ibabaw kan Meiji Jiao (Mischief Reef o Paban Reef), asin an paglaog kan PCG vessels pasiring sa katubigan harani sa Zhubi Jiao (Subi Reef) nin nagkapirang beses kan enot na parte kan 2026.

Ikaduwa suboot an pagdoon ni Comm. Tariela na parte sana kan pinag-iiwalan na katubigan an China, na suboot paglapastangan sa Declaration on the Conduct of Parties in Disputed Waters asin United Nations Convention on the Law of the Sea (UNCLOS).

Inakusaran man kan Chinese embassy an mga personahes kan Pilipinas na pauru-utrong pigporbaran na okuparon an mga uninhabited features arog kan Tiexian Jiao o bisto sa apod na Sandy Cay o Pag-asa Cay 2 asin Xianbin Jiao (Sabinal Shoal o Escoda Shoal), na suboot pagbalgar sa Artikulo 5 kan DOC.

Tinaram man kan embahada an iligal na pagsadsad kan mga barko kan Pilipinas sa Ren’ai Jiao (Second Thomas Shoal o Ayungin Shoal) sa laog nin labing duwang dekada.

Ikatulo, an suboot pagladawan sa mga barko kan Pilipinas bilang mga biktima nin pambubully alagad dai suboot kabali kun gano kalimitan an mga ini naglalayag harani sa mga isla asin mga bahura kan China.

Ginibo kan Chinese embassy official an pahayag kasunod kan statement na ipinaluwas ni Comm. Tarriela kasuodma, Pebrero 13 bilang simbag sa concern ni Senador Alan Peter Cayetao na dai subot ninda lubos na sinasabi an totoo sa mga Pilipino.

Piglinaw ni Comm Tarriela na an mga PCG vessel dai pa nuarin man nagrani sa arin man na ilegal na okupadong maritime features kan China sa WPS, afuera na sana kun nagtutubod an senador na parte kan teritoryo kan China an Escoda Shoal, Ayungin Shoal asin Pag-asa Island.