Liwat na tinawan duon ni President Xi Jinping an pangapudan na pagsaruon an China asin Taiwan.
Ini an sa tahaw kan padagos na pagklamar kan China na teritoryo ninda an nasabing nacion.
Ginibo ni Xi an saiyag pahayag sa hampang kan rinibong mga tawo na nag-atendir sa selebrasyon kan ika-75 taon kan People’s Republic.
Nangapudan man ini na kontrahon an anuman na separatist activities kan mga tagasuporta kan indipendensya kan Taiwan.
Nanindugan man an Beijing na dae magduduwa-duwang gumamit nin dahas ngani na maibalik an Taiwan sa irarom kan saindang kontrol.
Marurumduman na enot na man na sinabi ni Taiwan President Lai Ching-te na padagos sindang maninindugan para sa saindang nacion.
