LEGAZPI CITY-Nangapudan an foreign ministry kan China sa kampo kan Europa na magin maingat sa mga taramon asin aksyon sa West Philippine Sea asin punduhon an pag-endorso sa “ilegal na desisyon” ngani maibitaran an epekto sa koneksyon asin kooperasyon kan China asin Europa.
Segun kay foreign ministry spokesperson Lin Jian na an Europa an bako partido sa isyo kan West Philippine Sea asin warang direchois na magkomento sa lehitimong soberanya kan teritoryo asin maritime rights asin interes sa nasabing kadagatan.
An mga komento nagpoon makalihis an magkasanib na pahayag na ipinaluwas kan Domingo kan mga nacion kaiba an mga nacion sa Europa na nagsabing mahiwas na pag-aangkin kan China sa kadagatan kan West Philippine Sea, an waranng legal na basehan.
Ipinaapod man kan China an mga opisyal kan mga embahado kan mga katakod na nacion sa China asin an delegasyon kan Europa asin China, asin nagsangat nin mga seryosong representasyon sa sainda.
