Naghuma an China kontra sa Pilipinas makalihis an naging deployment nin missile system na gibo kan Estados Unidos.
Segun kay Chinese Foreign Minister Wang Yi, naalarma an saindang gobyerno sa piggigibo ngunyan kan Pilipinas na pagkakaag nin makabagong armas na hali sa ibang nasyun.
Kung ipagpapadagos suboot ini kan Pilipinas, posibleng magresulta ini sa “arms race” o pakusogon nin mga armas na lalo sanang magpapalala sa tensyon.
Mahigot an naging pagirumdom kan Chinese official na dapat na isipon muna kan Pilipinas kung sisay an saindang kataid na nasyun.
Pangapudan pa kaini na makipagtabangan na sana an gobyerno kan Pilipinas ngani na mapakusog pa an relasyon kan duwang nasyun asin mapag-ulayan an mga problema.
Magigirumduman na ngunyan na bulan kan makumpirma an pagkakaag kan Estados Unidos nin missile system sa saro sa mga base militar kaini sa Pilipinas, sa dae pa pigkukumpirmang lokasyon.
