Wara nin plano ang China na bayadan an P60 milyon na pighahagad na bayad-danyos kan Pilipinas para sa mga naraot na bangka asin ekipahes sa nangyaring engkwentro sa Ayungin Shoal kan Hunyo 17.
Segun kay Chinese Foreign Ministry Spokesperson Mao Ning, wara nin rason an China nganing bayadan an Pilipinas huli ta pigpoproteksyonan sana suboot ninda an saindang teritoryo.
Naglaog suboot an Philippine Navy sa saindang kadagatan asin nagsagibo nin iligal na resupply mission kung kaya tama sana an ginibo kan saindang Coast Guard.
Magigirumduman na duwang inflatable boat kan Philippine Navy, kaiba na an duwang rubber boats asin mga ekipahes siring kan cellphone communication devices, navigation equipments asin makina an naraot sa nasabing insidente.
Hinabon man kan China an pitong high powered firearms na dae pa naibabalik hasta sa ngunyan.
