Pinawarang sala kan Sandiganbayan Third Division si dating Senate president asin Chief Presidential Legal Counsel Juan Ponce Enrile para sa kasong plunder.
An kasong ini ay may kinaaraman sa P172-million plunder case na isinampa sa sainda mapadapit sa pork barrel scam.
Kaiba sa pinawarang sala kan Sandiganbayan an dating chief of staff ni Enrile na si Jessica “Gigi” Reyes asin an tinaguriang Pork Barrel Queen na si Janet Lim Napoles.
Segun sa desisyon kan anti-graft court, sinabi digdi na nagpalyar an state prosecutors na patunayang guilty si Enrile asin an iba pang akusado.
Sampulong taon an itinagal kan kaso matapos na sabihon kan Office of the Ombudsman na bastante an mga ebidensya nganing sampahan nin kaso si Enrile, Reyes, Napoles, asin iba pang indibidwal sa Sandiganbayan.
Pigsahutan si Enrile na sala kaining nagamit an saiyang Priority Development Assistance Fund.
Ikinaugma man kan kampo ni Enrile an pagpapawarang sala sa saiyang kaso.
