Inapod ni dating Narvacan Mayor asin Ilocos Sur governor Chavit Singson na warang basehan asin pamumulitika an kasong graft asin plunder na isinunad saiya.
An kaso an isinunad kan grupo ni Atty. Estelita Cordero sa Office of the Ombudsman huli suboot sa pigkakakitaan kaini an pagpapabakal nin daga asin bako tamang paggastos nin pondo.
Base sa reklamo na nakakuwang ganansya si Singson nin P100 milyon gikan sa pagpapabakal nin 10 ektarya nin daga na pagsadiri kan banwaan kan Narvacan.
Segun ki Singson na ang nasabing transaksyon an nagresulta pa sa saiyang pagkalugi nin maabot sa P680 milyon bilang pagtabang niya sa munisipalidad.
Paliwanag kaini na siya an nag-ayos kan transaksyon asin pinili niyang dae tulos ilipat an titulo nganing maibitaran an isyu siring kan double-selling.
Tinuyaw pa kan dating Gobernador si Cordero huli sa ini an first-cousin kan saiyang kaiwal sa pulitika asin dinaog pa ini sa pagka-alkalde sa Narvacan.
Ibinuyagyag pa kaini na igwang kasaysayan si Cordero na mang-harass asin makapirang beses na niya ining natawan nin kwarta para sa saiyang nagkapirang mga kahagadan.
Malinaw suboot na sarong pagbalos an ginibo ni Atty. Cordero huli sa dae na ini napagbigyan sa saiyang huring kahagadan
