Inanunsyar kan gobierno kan Chad sa north-central Africa an plano kaini na pagkalas sa International Criminal Court (ICC).
Sinundan kaini an enot na joint announcement kan Burkina Faso, Mali, asin Niger kan Setyembre na makalas sinda sa ICC, na naglilitis sa mga indibidwal na nakagibo nin war crimes asin crimes against humanity.
Sa sarong statement, ipinaliwanag kan tagapagtaram kan Chad government na an saindang desisyon an kasunod kan hirarom na pag-aadal sa pagpapadalagan kan ICC puon kan puunan an operasyon kaini kan 2022, siring man an mga rekord kaini kun sain nagtetenir na limitado an pagigin epektibo asin bako patas.
Kinondena man kan nacion an mga imbestigasyon kan ICC na nakatutok sa mga nacion sa Africa.
Pigduon kan Chad na siyam sa 13 na imbestigasyon kan ICC an nakatutok sa African counties asin pitong katawo an nasa kustodiya kan korte kun sain anom an piglilitis katakod sa mga sitwasyon sa Africa.
Segun sa mga report na an desisyon kan Chad na kumalas sa ICC an kasunod kan request hali sa Estados Unidos na pag-adalan an saindang membership sa korte.
