Nabigla si Cendy Asusano makalihis makapagrehistro nin bagong personal best sa javelin.
Sa hampang kan dakol na mga tawo, an paralympian na si Asusano an nakapagrehistro nin 15.05 meters sa first attempt ngani na mamantenir an world para rankings sa 17th Paralympic Games.
Aminado an atleta na dae niya pinaglaoman an saiyang performance makalihis magtaps sa ika-apat na pwesto sa women’s javelin throw F54 final.
Paliwanag kaini na nuarin man dae pa siya nakakapagrehistro nin 15 meters sa bilog nakarera niya asin maski pa durante kan training.
Segun ki para athletics head coach Joel Deriada na maski pa kinulang nin diit asin dae nakapag uli nin gold medal, dakulang improvement man an ipinahiling ni Asusano.
