Nakapagrehistro si Jayson Tatum nin 33 points, 12 rebounds asin pitong assists ngani na pangenotan an Boston Celtics na madaog an Cleveland Cavaliers, 120-117.
Huli digdi, tinapos kan Celtics an 15-game winning streak kan Cleveland.
Pigbabalo kuta kan Cavaliers na maging ika-duwang koponan sa historya kan NBA na pinuunan an season na igwang 16-o record.
Marurumduman na kan 2015-16 season, nairehistro kan Golden State Warriors an 24 na magkakasunod na gana antes nadaog.
Nag-ambag man si Al Horford nin 20 points asin pitong rebounds para sa Celtics mantang 19 points man an hali ki Derrick White.
Sa ibong na lado, nagkawat man an Cavaliers na wara sinda Isaac Okoro asin Dean Wade huli sa ankle injury, mantang si Caris LeVert an nagsasapar man nin injury sa tuhod.
