Aminado an Catholic Bishops’ Conference of the Philippines (CBCP) na posibleng makaapektar an oil crisis sa pag-obserbar kan Visita Iglesia o pagbisita sa mga simbahan durante kan Semana Santa sa masunod na semana.
Ini an sa tahaw kan nagpapadagos na paglangkaw kan presyo kan mga produktong petrolyo.
Segun ki CBCP Episcopal Commission of Public Affairs Executive Secretary Fr. Jerome Secillano, nasasabotan kan Simbahan kun gusto kan mga tawo na makatipid mantang nagpapahayag nin pagkahandal para sa mga Pilipino na apektado kan pagtaas kan presyo kan langis.
Sinabi man ni Fr. Secillano na enkaso imposibleng makapasiring sa sa simbahan, urog na sa mga may edad na o may helang, available an misa sa mga online platforms.
Igwa man suboot nin pig-aapod na “virtual visit to the church,” kun saen kaipuhan mo sanang i-click an mga site siring man kun dai ka makakasimba sa ano man na dahilan, pwedesir kang mamibi sa saindong harong.
Mientrastanto, segun ki Fr. Secillano, nakatalaang ipaluwas kan Simbahang Katoliko an Oratio Imperata sa tahaw kan giyera sa Middle East.
 has acknowledged that the oil crisis may affect the observance of Visita Iglesia or visits to churches during Holy Week next week.){kind=link}