LEGAZPI CITY-Pighikayat kan Catholic Bishops’ Conference of the Philippines (CBCP) an publiko na makisaro sa pag kondina sa korapsyon sa paagi kan mahiwasang pagtiripon na laomang gaganapon sa EDSA People Power Monument sa aga, ika-21 kan Setyembre bilang parte kan “Trillion Peso March.”
Obheto suboot kan pagtiripon an paghikayat sa gobierno an magpaliwanag sa suboot trilyong anomalya sa flood control projects sa nakalihis na 15 taon.
Laoman man an pakikisaro kan ribo-ribong namamanwaan sa manlain-lain na sektor, kairiba an simbahan, mga jovenes, asin civil society groups.
Magkakaigwa man nin misa sa EDSA Shrine bago an martsa, bilang pangadyi asin pangapudan para sa hustisya.
Pinili man suboot an nasabing petsa ngani rumdumon an deklarasyon kan Martial Law at ipagirumdon sa publiko an importansya kan paninimbagan.
Kasabay kaini, magsasagbo man nin mga mga prayer rally an mga dioceses sa mga probinsya ngani makisaro sa obheto kan nasabing pagtiripon.
Nangangapudan man an mga obispo sa gabos na Pilipino, na makisaro sa matoninonh na hiro protesta para sa katotoohan asin pagbabago.
