LEGAZPI CITY- Proud an bilog na Catanduanes State University makalihis na malaog sa Rank 10 an saro sa mga estudyante kaini sa katatapos pa sanang November 2024 Philippine Nurses Licensure Examination.
Sa intrevista kan Bombo Radyo Legazpi ki Mikael Angelo Romero na naging kumpiyansa man siya sa nasabing eksaminasyon alagad dae maibitaran na magduda man liwat sa resulta kaini.
Aminado si Romero na tamang oras sana an pigtagama niya sa pag-aadal ngani na maibitaran na ma-burntout asin tinawan nin focus an self improvement.
Paliwanag kaini na kun namamatean niya na wara na siyang naabsorb sa pag-aadal, nagpapahingalo siya ngani na dae magsawa sa pag-aadal.
Dugang pa ni Romero na an pagiging Civil Engineer an orihinal niyang pangaturugan huli ta parehong inhenyero an mga magurang alagad nagin inspirasyon an namaaram na tiyuon na sarong nurse.
Pag-istorya kaini na nahiling niya an pagseserbisyo kan saiyang tito sa mga pasyente na nangangaipo nin medikal na asistensya.
Nagpasalamat man ini sa suporta na naresibe niya hali sa mga magurang kaya dakula an saiyang pasasalamat sa pagpadangat kan mga ini.
Mientras tanto, nagpasalamat man si Romero sa promesa ni dating Catanduanes State University President na magtatao nin cash incentives kasunod kan nabaot niyang trayumpo.
