LEGAZPI CITY- Pinawi kan mga otoridad sa Catanduanes an pagkahadit kan publiko sa posibleng epekto kan pigbabantayan na raot nin panahon.
Segun ki Catanduanes Provincial Disaster Risk Reduction and Management Office Emergency Operations Chief Roberto Monterola sa intrevista kan Bombo Radyo Legazpi na normal man sana an mga pag-uran na naeeksperyensyahan sa island provincia.
Marurumduman na saro kaya an provincia sa komon na nakakamati nin maraot na panahon tuyong may mga kalamidad na nagtatama sa nacion.
Sinabi kan opisyal na aram man kan mga lokal na gobierno an mga lugar na komon na nakaka eksperyensya nin mga pagbaha asin landslides kaya nakakapaghanda man an mga ini.
Magin an mga barangay an pinaghahanda man sa pag preposition kan relief goods ngani na madaling makapag barewas sa mga residente enkasong maapektaran an saindang nasasakupan na lugar.
