LEGAZPI CITY — Niyugo nin magkasunod na linog an provincia kan Catanduanes kasubagong maagahon.
Base sa bulletin kan Philippine Institute of Volcanology and Seismology (Phivolcs), enot na namatean an magnitude 4.3 na linog bandang alas 12:25 nin maagahon, sa rayong 44 kilometro sur-sirangan kan banwaan kan Baras.
May rarom ini na walong kilomentro asin tectonic an origin.
Bandang alas 12:36 man kan magtama an magnitude 2.6 na linog sa parehong direksyon sa parehong banwaan na may rarom na 11 kilometro.
Segun sa Phivolcs, dae man piglalaoman an mga kasunod pang pagyugo mientras na wara man na nairehistrong danyos sa lugar.
