LEGAZPI CITY—Niyugo nin 5.5 magnitude na linog an sirangan kan Baras, Catanduanes pasado alas-11:10 nin banggi kan Miyerkoles nin banggi, Hulyo 29.
Susog sa Philippine Institute of Volcanology and Seismology (Phivolcs), may rarom ining 10 kilometro.
Namatean an Instrumental Intensities kun sain Intensity III sa Virac, Catanduanes; Intensity II sa Tabaco, Albay; San Roque, asin Rosario sa Northern Samar; Prieto Diaz, Bulusan, Sorsogon City, Sorsogon.
Mantang Intensity I – City of Legazpi; Pili, Sagnay, Camarines Sur; Mapanas, Northern Samar, asin Gandara, Samar.
Susog sa ahensya warang piglalaoman na danyos; piglalaoman an aftershocks.
