LEGAZPI CITY – Pinaghahandaan na kan provincia kan Catanduanes an La Niña phenomenon huli ta papalaog na an mga pag-uran.
Basado kaya sa forecast kan state weather bureau, posibleng amay na maglaog an matinding tag-uran sa nacion.
Sa intrevista kan Bombo Radyo Legazpi ki Catanduanes Provincia Disaster Risk Reduction Management Office Emergency Operation Chief Roberto Monterola, posibleng mas malala an magigin epekto kan La Niña sa provincia kumparar sa danyos na kawsa kan tagmara.
Piglalaoman na kaya an dadarahon na dakulang volume nin tubig na posibleng magkawsa nin mga pagbaha.
Huli digdi, nagbibilog na nin mga measures an provincia ngani na mabawasan an epekto kan maeeksperyensyahan na tag-uran.
