LEGAZPI CITY—Naghagad nin milyones na pondo an provincia kan Catanduanes gikan sa Office of the President sa paagi ni Cabinet Secretary Benhur Abalos mapadapit sa mga planong ipapatindog na special projects sa imprastraktura sa provincia.
Segun ki Catanduanes Governor Patrick Azanza, sa intrevista kan Bombo Radyo Legazpi, kabale sa saiyang mga hinagad na pondo an para sa paggibo nin municipal building, konstruksyon nin mga multi purpose buildings, pagkonstruir nin tulay, road rehabilitation asin iba pa.
Sa ngunyan pighahalat nindang maibaba an pondo para sa nasabing mga proyekto.
Tinawan-doon man kan gobernador na dakula an maitatabang kaini para sa saindang namamanwaan.
Mientrastanto, mensahe man ni Azanza na pig-asigurar ninda na magibo an gabos sa komunidad asin nagpapalasamat man ini sa tabang kan liderato ni Presidente Marcos asin cabinet secretaries sa pagtabang sa saindang provincia.
