LEGAZPI CITY – Kinumpirma kan Catanduanes Provincial Health Office na igwa na sindang sarong pigmomonitor na pigsususpetsarang kaso nin tigdas.
Sa ekslusibong intrevista kan Bombo Radyo Legazpi ki OIC Provincial Health Officer Dr. Franchette Panti, maikokonsiderar man giraray na salbado an lugar urog pang dae pa man nakukumpirmar kun tigdas talaga an helang kan 19-anyos na binatilyo na hale sa banwaan kan San Andres.
Segun pa ki Panti na kaipuhan munang maasegurar kun talagang tigdas an helang kaini sa paagi kan mga laboratory test alagad ibinareta man kan doktor na nagrarahay na an salud kan pigsasabing kaso.
Kaibanan sa mga pighihiling na sintomas kan tigdas an kalintura, pamamantal, sipon asin pamumula kan mata na bako man suboot present sa mga naka-contact kan pigsasabing suspected case.
Sarong semana naman suboot ining isinairarom sa strict monitoring na ngonian an nagtetenir man sa saindang harong.
Kun babalikan, duwang taon nang warang kaso nin tigdas sa nasabing provincia kun kaya pinakusog pa an monitoring tangarig na dae maglakop an nasabing helang sa lugar.
