LEGAZPI CITY—Katakod kan paglakop kan African Swine Fever sa probinsya kan Catanduanes, an gabos na karne na piglalaog sa Virac Public Market dae nakakalaog nin warang magkakanigong inspection certificate bilang katunayan na nag-agi sa mga inspeksyon kan Virac Slaughter House.
Segun ki Virac Public Market Market Supervisor Andy Po, sa intrevista kan Bombo Radyo Legazpi, na an nasambit na lakdang saro sa mga prevention na piggibo kan saindang opisina para maobserbaran an kaligtasan kan mga konsomedores.
Dugang kan opisyal na nagin mas istrikto na an saindang probinsya sa pagpalaog nin mga produktong karne o hayop huli naman kan nasambit na helang.
Tinawan-doon kaini na dae pwedesir na maglaog an mga produktong karne nin warang magkakanigong certificate para dae man suboot mawara an tiwala kan mga konsomedores sa saindang merkado.
Makundusir man suboot nin sarong consultation meeting sa gabos na meat dealers, suppliers asin vendors na nag-ooperate sa saindang lugar para maipasabot kun nata kinakaipuhan na pugulan an paglakop kan african swine fever sa nasambit na probinsya.
Abiso man kan opisyal sa mga konsomedores kan karne na kun sinda mabakal nin karne siertohon na hagadon an meat inspection certificate para maasigurar na an karne nag-agi sa magkakanigong inspeksyon, asin en kaso man na may reklamo sa nabakal na karne yaon man an saindang opisina para sinda matabangan.
