LEGAZPI CITY—Huli kan presenteng raot nin panahon, ipigtagama kan gobierno provincial kan Catanduanes an nasa P200,000 bilang pondo sa food assistance sa mga stranded na pasaherong pasiring kuta na sa saindang lugar sa Tabaco port sa Tabaco City.
Segun ki Provincial Disaster Risk Reduction and Management Office Catanduanes Emergency Operations Chief Roberto Monterola, sa intrevista kan Bombo Radyo Legazpi, saro ining Standard Operating Procedure asin nakalinya na ini sa budget kansaindang provincia tuyong may raot nin panahon asin stranded na pasahero sa nasabing pantalan.
Piglalaoman man ninda na may stranded na mga pasaherong pasiring sa Catanduanes huli sa warang biyahe nin mga barko sa presente.
Pagiromdom man kan opisyal sa publiko na magin vigilant sa presenteng weather system nganing maaraman kun ano pa an posibleng mangyari mantang yaon sa laog kan nacion an bagyong Inday
