LEGAZPI CITY — Warang nahihiling na problema si Catanduanes Governor Joseph Cua sa bagong assignment kan kontrobersyal na si Police C/Insp. Jovie Espenido sa Catanduanes Police Provincial Office.
Sa eksklusibong intrevista kan Bombo Radyo Legazpi sa gobernador, nangapudan ini na ibitaran na muna kan nagkapirang netizen an pagibo nin isyu sa pagkaka destino ni Espenido sa provincia.
Segun ki Cua, dae dapat na tawan nin kahulugan an nagkapirang espekulasyon kan publiko asin wara man na dapat ikahadit sa pag-abot ni Espinido urog pa na bako man ini guilty sa nagkapirang ipigbabatong isyu.
Napag-araman na enot nang nagpadara nin surat an gobernador kay PNP Bicol Director Pol. C/Supt. Arnel Escobal para sa paghagad nin listahan kan mga pangaran na pagpipilian kan bagong matukaw na provincial commander sa provincia alagad wara pa ining kasimbagan.
Sa presente dae pa masierto kun anong partikular na posisyon na kakaputan ni Espinido.
Mientras tanto, nakatalaan na liwat na magsunad nin certificate of candidacy an gobernador para sa kaparehong posisyon sa maabot na Martes sa masunod na semana.
