LEGAZPI CITY — Maduong sinabi ni Catanduanes Governor Joseph Cua na dae siya naglilikay sa Senate hearing dapit sa shabu laboratory na nadiskubre sa banwaan kan Virac kundi naitaon sana ini sa saro mang importanteng pag-oolay sa provincia.
Simbag ini kan gobernador sa enot nang pahayag ni AKB partylist Rep. Rodel Batocabe na nag-ibitar sana sa pagdangog an ibang dae nakaatendir.
Sa ekslusibong intrevista kan Bombo Radyo Legazpi, sinabi ni Cua na nagsurat siya ki Committee on Dangerous Drugs chairman Cong. Ace Barbers na dae makakasipot sa hearing huli sa kaipuhan niyang ihabol an pondo kan provincia ngane na maaprubaran na asin maisumite sa Lunes.
Posibleng dae sana suboot nabasa ni Batocabe an ipinaabot na surat na dae makakaatendir sa hearing.
Dugang pa ni Cua na saro man sanang imbitasyon an naresibe asin bako subpoena kaya desisyon kun ma-atendir o dae mantang dae man pwedesir ma-cite in contempt.
Segun pa ki Cua, enkasong magkaigwa liwat nin hearing asin naitaon na mahewas an schedule, makakaatendir na ini en kasong ipaapod liwat sa Senado.
