LEGAZPI CITY- Naaraman na an pagkakabisto sa mga casualties sa pagbagsak kan sarong helicopter sa kadagatan na sakop kan Qatar.
Segun ki Bombo International News Correspondent Dennis Mota na kumpwesto an mga biktima nin apat na Qatari military personnel, sarong Turkish serviceman, asin duwang technician hali sa Turkish defense company.
Napag-araman na nagsasagibo nin air patrol an nasabing aircraft kan mangyari an insidente.
Ikinamundo man kan gobierno kan Qatar an trahedya asin kasabay an nagkapirang Pilipino sa nasabing nacion sa mga nakisimpatya sa nabayaan na pamilya kan mga biktima.
Sinabi ni Mota na pinaglalaoman man na magpapaabot nin tabang an gobierno kan Qatar sa mga biktima kan aksidente.
Padagos man an imbestigasyon kan mga otoridad sa nasabing insidente.
