LEGAZPI CITY – Suportado kan Castilla Municipal Disaster Risk Reduction and Management Office an pagsuspendi kan klase kan Gobierno Provincial kan Sorsogon huli sa namamateang pag-uuran na epekto kan shearline.
Segun ki Castilla MDRRMO Head Edgar Ardales Jr. sa intrevista kan Bombo Radyo Legazpi na mas maray nang hale an kasuguan sa Gobierno Provincial nganing dae na magkawsa nin kalibungan sa parte kan mga estudyante mapadapit sa class suspensions kan kada banwaan.
Sa naunambitan man suboot na suspensyon an nabawasan an saindang pigkakahandalan huli ta mas matatawan ninda nin pansin an pigsasagibo nindang monitoring sa mga lugar na makaka-eksperyensya nin baha asin pagrasay nin daga.
Pagsyerto niya man na dae man ma-ooctaba an mga klase kan mga estudyante huli ta may desisyon pa man an mga magkakanigong ahensya na magsagibo nin modular class.
Pigtaram pa ni Ardales na nakapreparar na an saindang mga residentes kun ano an saindang gigibuhon enkaso magkaigwa nin pagbabaha sa saindang lugar kun kaya dae na sinda napapagalan sa pagsasagibo nin evacuation efforts.
